2025/05/29

Albiste batzuek, espero izan arren, ilusio handia pizten dute, eta energia handia ematen diote jasotzen dituenari. Gaur pozik gaude albiste horietako bat transmititu ahal izateagatik: Inforyde Ner Groupen sartu izana.  

Azken lau urteetan, Inforydek aldaketa sakon eta etengabeari egin dio aurre, eta, horren ondorioz, egitura hierarkiko tradizionalak alde batera utzi eta autokudeaketaren eta Harreman Estilo Berriaren printzipioen munduan murgildu da, horrek dakarren guztiarekin. Gaur, Inforydek urrats bat gehiago eman du pertsonen aldeko apustuan eta gardentasun erradikala, boterearen banaketa eta elkartasuna bezalako balioekiko konpromisoan, eta dagoeneko Ner Group osatzen duten 15 erakundeekin bat egitea erabaki du. 

Jarduera

Inforyde 40 pertsona baino gehiagok osatutako erakundea da, eta energia kudeatzeko eta merkatu elektrikoak ustiatzeko neurrira egindako softwarearen garapenean espezializatuta dago, bereziki Europan eta Latinoamerikan. 

Inforyde Ner Groupen integratzeak parte-hartzean eta justizia sozialean oinarritutako eta pertsonengan ardaztutako antolaketa-eredu bat bultzatzen laguntzeaz gain, beste pizgarri bat da gauzak beste modu batean egin nahi dituzten eta hazkunde iraunkorrean sinesten duten beste erakunde batzuentzat. 

Esperientzia

Atzio Orexa Ner Group-eko barne dinamizatzaileak azaldu bezala, “Inforydek NER estiloa ezartzen azken lau urtetan izandako esperientziek gure ikasketa kolektiboa aberasten dute eta Ner Group taldean garapena indartzen duten egungo praktika eboluzionatuak eskaintzen dizkigu”. 

Inforyde Ner Group-eko partaide izateak “gure lankidetza-ekosistema sendotzeaz gain, talentua, ezagutza teknologikoa eta Ner Groupen balio partekatuekiko konpromiso sendoa ematen ditu”. “Inforyderen parte hartzea aukera baliotsua da komunitate anitz, berritzaile eta autokudeaketan eta konfiantzan oinarritutako antolaketa-estilo konprometitu gisa hazten jarraitzeko”, ondorioztatu du Ner Groupeko barne-dinamizatzaileak. 

Ner Group-ekin lotura

Inforyderen ustez, atxikimendu horrek “zubi bat eta NER unibertsoarekiko lotura bat ezartzea” dakar, Madrilen kokatutako erakunde hau Ner Groupeko gainerako erakundeetatik bereizten duen distantzia fisikoa gainditzeko. 

Ana Pérez Inforydeko koordinatzaileak azaldu duenez, urrats berri honek aukera emango dio erakundeari “Harreman Estilo Berriaren balioak indarrean mantentzeko” eta bere jardueran aurrera egiten jarraitzeko, “hobetzeko elementuak txertatzen lagun diezaguketen pertsonekiko lotura galdu gabe”. Baina, aldi berean, Inforydek “sinergiak ezarriko ditu Ner Groupeko gainerako erakundeekin, haien tentsioak eta zailtasunak bideratzen laguntzeko”. 

Ongi etorri, Inforyde.